𝗘𝗠𝗣𝗢𝗪𝗘𝗥𝗘𝗗 𝗪𝗢𝗠𝗘𝗡: 𝗡𝗔𝗚𝗕𝗔𝗛𝗔𝗚𝗜 𝗡𝗚 𝗞𝗔𝗟𝗔𝗞𝗔𝗦𝗔𝗡 𝗔𝗧 𝗗𝗘𝗧𝗘𝗥𝗠𝗜𝗡𝗔𝗦𝗬𝗢𝗡 𝗦𝗔 𝗞𝗔𝗣𝗜𝗛𝗔𝗡 𝗦𝗔 𝗔𝗞𝗟𝗔𝗡

Mar 16 Eliza Jean DomingoComment Closed

Sa pagdiriwang ng Buwan ng Kababaihan tuwing Marso, binigyang-pugay ang lakas, determinasyon, at kakayahan ng kababaihan sa isang makabuluhang talakayan sa Kapihan sa Aklan. Ang programa ay ginanap sa Baeay Saeapuean, Infant Jesus Academy at dinaluhan ng mga estudyante mula sa Northwestern Visayan Colleges.

Itinampok sa talakayan ang mahahalagang pananaw ng tatlong panauhing tagapagsalita na sina Bb. Janica Anne L. Dela Peña, Aklan Youth Development Officer, Bb. Althea Christi Tropa, isang Psychometrician mula sa Pro-Neuro Psychological Services; at Bb. Fatima Y. Almero, isang student entrepreneur.

Isa sa mga matapang na pahayag na iniwan ni Bb. Althea Christi Tropa ay:

“Even though you are a woman, you are not just a woman—you are more than that.”

Ibinahagi niya ang kanyang karanasan sa pagharap sa mga hamon ng buhay bilang isang babae at kung paano maaaring magtagumpay sa kabila ng mga pagsubok.

Samantala, binigyang-diin naman ni Almero ang patuloy na pangangailangan para sa Women’s Liberation.

“Patriarchal do atong society in the Philippines, but it’s not only in the Philippines—it’s in the whole world.”

Sa pagtatapos ng programa, nag-iwan ng inspirasyonal na mensahe ang mga panauhin: Babae ka, at hindi ka lang basta babae—higit ka pa riyan. Isulong ang iyong mga karapatan, ipaglaban ang sarili, at maging tinig para sa iba.

: Janna Joy F. Impreso, Circulation Manager